對我來講，腳踏車只是一種代步ê工具。以前我國中和高中ê時陣，攏騎腳踏車去學校。我感覺騎腳踏車真快活，但是有時陣嘛會悿。遮má我有機車ê駕照了後，我就足少騎腳踏車矣。
這擺聽著Vicky小姐ê演講，予我真大ê感動。伊是遐爾堅持伊ê數想洽目標，無論抵著啥物艱難ê事攏想辦法解決。伊和普通人無啥物無仝，但是伊多了伊ê堅持、拚勢洽勇敢，去完成普通人無法度做到ê代誌。伊ê態度和觀念嘛是伊會當成功ê原因，因為伊相信伊做會到，想盡辦法去準備、去打算伊ê每一擺ê旅行。伊佇十八歲ê時陣就開始去追求伊ê數想，猶閣是佇以前彼個年代，無像遮má ê社會即呢開放，伊ê目標一定會予人當笑話。但是經過了二十年，伊ê經驗和故事鼓勵足濟人去追求家己ê目標。
無論是做啥物代誌攏是仝款ê道理，除了認真、拚勢，嘛愛想辦法解決困難、毋驚辛苦，盍有可能得著家己想欲愛ê結果。如果只有理想，但是無實際ê行動，按呢是無可能會當成功ê。人，愛有目標盍知影未來ê方向，所有偉大ê人攏是堅持家己ê理想才成功ê。我ê目標是啥物？我想我就是想傷濟才會無法度決定，愛決定家己ê目標，閣愛有一寡衝動。聽了Vicky ê演講了後，我瞭解一个真重要ê道理，就是Vicky所講ê「有夢想就要去追求」。「Nothing is impossible.」只要有心，無做袂到ê代誌。
請先 登入 以發表留言。