佇台灣會當看著一寡用台語寫 ê 文字，但是因為台灣普遍沒受過台語文書寫 ê 教育，嘛袂曉用羅馬字來拼音，所以咱會當看著有人用一寡發音較接近 ê 華語文來代替，抑是直接用華語 ê 注音符號來表示。佇這種民間無統一台語文 ê 情形下，就會看著足濟趣味但是無正確 ê 寫法，嘛有一寡雖然毋是教育部公布 ê 用字，但是是一般民眾攏會接受嘛知影意思 ê ，以下我舉一寡例。
這塊牌仔頂頭寫 ê 台語應該大家攏知影伊 ê 意思，但是嘛有一寡無正確 ê 用字。
正確ê寫法：
阿爸講(kóng)：
摸「心」肝想看覓(māi)
恁按(án)呢做
咁有天理？
「心」會(ē)「安」嗎？
地點：台中市太平區樹德路 (樹德加油站斜對面)
正確ê寫法：
食(tsia̍h)好烤肉店
我發現真濟人會用「呷」這个字來表示台語 ê 「食」，可能是受到「tsia̍h」ê 發音 ê 影響，嘛有可能是「呷」這个字大家看起來自然會感覺這是台語。
地點：台中市太平區樹孝路
正確ê寫法：
食(tsia̍h) 上(siong) 飽(pá)
用「尚」來表示華語 ê 「最」，嘛是定定會看著 ê 現象。
地點：台中市太平區
請先 登入 以發表留言。